info@insajder.mk
Saturday, November 21, 2026
Insajder
  • Дома
  • Истражувања и Анализи
  • Бизнис
  • Општество и иднина
  • Најнови вести
Insajder
No Result
View All Result
Home Политика

ЗНАМ презентираше отчет за двегодишното работење: Фокус на платите, пензиите и енергетиката

by newsroom_insajder
November 21, 2026
in Политика
0
ЗНАМ презентираше отчет за двегодишното работење: Фокус на платите, пензиите и енергетиката

Фото: Опсервер

152
SHARES
1.9k
VIEWS
Share on FacebookShare on Twitter

Движењето ЗНАМ одржа панел-дискусија во Пробиштип на која функционерите од партијата дадоа отчет за нивното двегодишно учество во власта. Во фокусот на презентираните резултати беа ставени растот на платите во јавниот сектор, усогласувањето на пензиите, општинските зафати и новите проекти во енергетскиот сектор.

На панел-дискусијата насловена „Две години работа. Две години резултати. Една љубов – Македонија“, потпретседателот на партијата и пратеник Павле Арсоски изјави дека изминатиот период покажал мерливи резултати, повикувајќи се и на Извештајот на Европската комисија за 2026 година во делот на реформите.

Арсоски посочи дека на локално ниво се реализирани околу 1.300 капитални проекти што опфаќаат подобрување на улици, водоводи и училишна инфраструктура. Во однос на личните примања, тој изнесе податоци според кои платите во образованието се зголемени за 20 проценти, зголемување добиле и вработените во здравството, додека за административните службеници преку договор со синдикатите е предвиден раст до 40 проценти до март 2028 година.

За состојбите во енергетиката се обрати заменик-министерот за енергетика, рударство и минерални суровини Мирослав Лабудовиќ. Тој изјави дека се реализираат инвестиции во нови фотоволтаични капацитети од околу 200 мегавати, се финансира втората фаза на ветерниот парк „Богданци“ и се спроведува рехабилитација на шест хидроелектрани. Лабудовиќ наведе и дека поради непочитување на преземените обврски биле раскинати повеќе од 50 концесии.

Податоци за пензискиот систем презентираше директорот на Фондот за пензиско и инвалидско осигурување, Никола Мемов. Според него, пензиите од септември 2024 до март 2026 година бележат вкупен раст од 7.000 денари, по што во септември 2026 година следувало дополнително законско усогласување од три проценти.

Пратеничката Даниела Белимова се осврна на парламентарните активности на ЗНАМ, наведувајќи дека партијата обезбедила 55.000 вредносни ваучери за студентите и иницирала измени во Законот за семејството.

Share61Tweet38
newsroom_insajder

newsroom_insajder

Insajder

Copyright © 2024

  • За нас
  • Контакт
  • Маркетинг

No Result
View All Result
  • Најнови вести
  • Бизнис
  • Огласи за работа
  • Истражувања и Анализи
  • Колумни
  • Интервјуа
  • Политика
  • Култура
  • Контакт

Copyright © 2024