info@insajder.mk
Friday, November 20, 2026
Insajder
  • Дома
  • Истражувања и Анализи
  • Бизнис
  • Општество и иднина
  • Најнови вести
Insajder
No Result
View All Result
Home Општество

Нов протокол на Обвинителството, полицијата и социјалните служби за итна заштита од семејно насилство

by newsroom_insajder
November 20, 2026
in Општество
0
Нов протокол на Обвинителството, полицијата и социјалните служби за итна заштита од семејно насилство

Фото: Опсервер

152
SHARES
1.9k
VIEWS
Share on FacebookShare on Twitter

Јавниот обвинител Ненад Савески, министерот за внатрешни работи Панче Тошковски и министерот за социјална политика Ѓоко Велковски договорија конкретни мерки и нов протокол за итно и синхронизирано постапување при пријави за семејно насилство. Договорот предвидува формирање заеднички тимови, воспоставување постојани контакт-точки меѓу трите институции и забрзување на кривичниот прогон против сторителите.

На работниот состанок одржан во Јавното обвинителство на Република Северна Македонија, челниците на трите надлежни ресори утврдија приоритетни активности поради, како што посочија, загрижувачките трендови кај кривичните дела поврзани со семејното насилство. Целта на новиот механизам е унапредување на превенцијата, навремена заштита и згрижување на жртвите, како и поефикасно откривање и кривично гонење.

Според усогласениот протокол, Министерството за внатрешни работи ќе има обврска веднаш по приемот на пријавата за семејно насилство да го извести надлежното јавно обвинителство. По добиеното известување, јавниот обвинител директно ќе ја координира работата на оперативниот тим составен од полициски инспектори и стручни лица од центрите за социјална работа, со цел да се обезбеди истовремена безбедносна и социјална заштита.

Новите правила налагаат стандардизирани процедури со јасно дефинирани надлежности, како и воспоставување постојани контакт-точки во обвинителството, полицијата и центрите за социјална работа, преку лица кои ќе бидат постојано достапни за итна комуникација и давање насоки за постапување на терен.

Во рамките на итното постапување предвидено е неодложно прибирање вешт наод и мислење за евентуално нанесените телесни повреди, прецизна процена на безбедносните ризици и собирање материјални докази. Овие чекори треба да овозможат брзо донесување на јавнообвинителска одлука и навремено процесуирање на случаите пред надлежните судови.

Share61Tweet38
newsroom_insajder

newsroom_insajder

Insajder

Copyright © 2024

  • За нас
  • Контакт
  • Маркетинг

No Result
View All Result
  • Најнови вести
  • Бизнис
  • Огласи за работа
  • Истражувања и Анализи
  • Колумни
  • Интервјуа
  • Политика
  • Култура
  • Контакт

Copyright © 2024