info@insajder.mk
Friday, November 20, 2026
Insajder
  • Дома
  • Истражувања и Анализи
  • Бизнис
  • Општество и иднина
  • Најнови вести
Insajder
No Result
View All Result
Home Општество

Левица тврди дека УКИМ остана без струја поради неплатени сметки

by newsroom_insajder
November 19, 2026
in Општество
0
Левица тврди дека УКИМ остана без струја поради неплатени сметки

Фото: Опсервер

152
SHARES
1.9k
VIEWS
Share on FacebookShare on Twitter

Политичката партија Левица и нивниот подмладок Црвена младина соопштија дека факултетите и зградата на Ректоратот на Универзитетот „Св. Кирил и Методиј“ (УКИМ) останале без електрична енергија поради неплатени сметки. Според нивните наводи, јавните образовни институции се доведуваат во ситуација да не можат да ги подмират основните режиски трошоци за своето функционирање.

Како што објави порталот Опсервер, повикувајќи се на соопштение од партијата Левица, образовните институции се соочуваат со проблеми во плаќањето на сметките за електрична енергија. Од партијата тврдат дека факултетите и Ректоратот на УКИМ се оставени без струја, додека под закана од слична состојба поради долгови се наоѓаат и Пошта, како и повеќе културни установи во земјата.

Од Левица упатуваат критики до владејачката ДПМНЕ, посочувајќи дека додека траат политичките прераспределби на функции, јавните установи се наоѓаат во долгови и финансиска неизвесност. До овој момент, во достапните информации нема официјално изјаснување или потврда за прекинот на снабдувањето од страна на раководството на УКИМ, надлежното Министерство за образование и наука или енергетските компании.

Црвена младина потсетува дека ова не е првпат образовни и студентски установи да се соочат со исклучување на струјата поради заостанати долгови. Според нивното соопштение, во февруари годинава студентите во студентскиот дом „Никола Карев“ во Охрид останале без струја, греење и топла вода за време на испитна сесија, а истиот дом во јуни повторно бил без електрична енергија цела недела поради долг повисок од три милиони денари.

Од младинската организација додаваат и дека во студентскиот дом „Пелагонија“ во Скопје претходно била исклучена струјата поради неплатен долг од над седум милиони денари. Црвена младина бара итно сервисирање на обврските, непречено функционирање на универзитетите и одговорност за состојбите со режиските долгови во образовниот сектор.

Share61Tweet38
newsroom_insajder

newsroom_insajder

Insajder

Copyright © 2024

  • За нас
  • Контакт
  • Маркетинг

No Result
View All Result
  • Најнови вести
  • Бизнис
  • Огласи за работа
  • Истражувања и Анализи
  • Колумни
  • Интервјуа
  • Политика
  • Култура
  • Контакт

Copyright © 2024