info@insajder.mk
Tuesday, November 17, 2026
Insajder
  • Дома
  • Истражувања и Анализи
  • Бизнис
  • Општество и иднина
  • Најнови вести
Insajder
No Result
View All Result
Home Регион

Судир на два патнички воза во Прага: Повредени најмалку 15 лица и прекинат железничкиот сообраќај

by newsroom_insajder
November 17, 2026
in Регион
0
152
SHARES
1.9k
VIEWS
Share on FacebookShare on Twitter

Два патнички воза утринава се судрија во близина на Главната железничка станица во Прага, при што се повредени најмалку 15 лица. Несреќата предизвика прекин на железничкиот сообраќај на оваа линија и пренасочување на возовите за долги релации кон други станици.

Како што објави Макфакс, повикувајќи се на информации од чешките служби, инцидентот се случил околу 7:00 часот наутро на железничкиот мост над улицата „Сејфертова“ во прашката општина Прага 3. Според информациите од службите за итни случаи, двата воза се движеле со мала брзина во моментот на судирот.

Повеќето од повредените патници се здобиле со полесни повреди, но неколкумина се во потешка состојба. На местото на несреќата беа испратени десет екипи на итната медицинска помош, четири медицински тимови и специјализирано возило за евакуација. Пожарникарите прогласија втор степен на тревога за брза проценка и тријажа на сите патници според сериозноста на нивните повреди.

Полицијата на Чешката Република соопшти дека сите интегрирани служби за спасување веднаш излегле на терен. Дополнително, Томаш Тот преку социјалните мрежи истакна дека здравјето и безбедноста на сите патници и вработени се на прво место и им се заблагодари на спасувачките екипи за брзата интервенција.

Поради судирот, Управата на чешките железници соопшти дека сообраќајот на засегнатата линија е во прекин, а сите возови за долги релации се пренасочуваат кон други железнички станици во Прага. Полициските екипи и истражителите продолжуваат со увидот на лице место за да се утврдат точните причини кои доведоа до несреќата.

Share61Tweet38
newsroom_insajder

newsroom_insajder

Insajder

Copyright © 2024

  • За нас
  • Контакт
  • Маркетинг

No Result
View All Result
  • Најнови вести
  • Бизнис
  • Огласи за работа
  • Истражувања и Анализи
  • Колумни
  • Интервјуа
  • Политика
  • Култура
  • Контакт

Copyright © 2024