info@insajder.mk
Tuesday, November 17, 2026
Insajder
  • Дома
  • Истражувања и Анализи
  • Бизнис
  • Општество и иднина
  • Најнови вести
Insajder
No Result
View All Result
Home Најнови вести

Крива Паланка бара дипломатска поддршка за проблемот со добитокот

by newsroom_insajder
November 17, 2026
in Најнови вести
0
152
SHARES
1.9k
VIEWS
Share on FacebookShare on Twitter

Општина Крива Паланка испрати официјален допис до сите странски амбасади и амбасадори акредитирани во Македонија со барање за дипломатска поддршка за решавање на проблемот со неконтролираното движење на повеќе од 1.000 грла крупен добиток. Како што објави Макфакс, локалните власти апелираат дипломатите да го отворат ова прашање во разговорите со претставниците на Владата и надлежните институции.

Според соопштението од Општината, повеќе од илјада крави и друг крупен добиток се движат без надзор низ улиците, патиштата и земјоделските површини на територијата на Крива Паланка. Ваквата ситуација предизвикува штети на насадите и го загрозува сообраќајот, како и безбедноста на пешаците и возачите.

Од Општина Крива Паланка посочуваат дека присуството на добиток во дворот на средното општинско училиште дополнително ја нагласува потребата од спречување на ризиците за учениците. Поради тоа, локалната власт бара интервенција од дипломатскиот кор со цел засилување на дијалогот со централните власти.

Во соопштението на Општината се наведува: „Преку редовниот дијалог со државните власти, амбасадорите можат да помогнат барањата на жителите на Крива Паланка да добијат внимание на највисоко институционално ниво. Нивното залагање може да придонесе за воспоставување директен работен дијалог меѓу Владата, надлежните агенции и Општината, со цел да се договорат конкретни мерки, да се утврди кој е одговорен за нивното спроведување и да се одредат рокови за постапување на терен.“

Локалните власти додаваат и дека: „Добитокот без надзор се движи по улиците и патиштата, ја загрозува безбедноста на пешаците и возачите и предизвикува штети на земјоделските насади. Присуството на добиток и во дворот на средното општинско училиште дополнително ја нагласува потребата од итни мерки за заштита на учениците.“

Општина Крива Паланка соопшти дека е подготвена да ги стави на располагање податоците од општинскиот регистар на пријавени штети и да обезбеди локална поддршка за спроведување на мерките на терен, нагласувајќи дека граѓаните очекуваат брза реакција и одговор од надлежните државни установи.

Share61Tweet38
newsroom_insajder

newsroom_insajder

Insajder

Copyright © 2024

  • За нас
  • Контакт
  • Маркетинг

No Result
View All Result
  • Најнови вести
  • Бизнис
  • Огласи за работа
  • Истражувања и Анализи
  • Колумни
  • Интервјуа
  • Политика
  • Култура
  • Контакт

Copyright © 2024