На 07.05.2026 во просториите на М6 Едукативен центар во Кавадарци успешно се одржа финалето на „Натпреварот за најдобар бизнис концепт за зелени иновации во средните училишта 2026“. Натпреварот е во организација на Машински факултет при УКИМ Скопје и М6 Едукативниот центар.
На натпреварот учествуваа 42 тимови од училишта од целата наша држава кои со своите иновативни идеи за развој на бизнис концепти за зелени иновации се натпреваруваа во изминатите месеци. На полуфиналниот натпревар кој се одржа на 25.04.2026 година во просториите на Машинскиот факултет 8 тимови од 8 училишта обезбедија место во финалниот натпревар.
М6 Едукативен центар финансиски го поддржа овогодинешното издание на Натпреварот за најдобар бизнис концепт за зелени иновации, вклучително и главната награда во износ од 2.000 евра за победничкиот тим. “М6 Едукативниот центар континуирано работи на развој на зелени вештини преку различни обуки и едукативни програми, бидејќи тие стануваат сè позначајни за компаниите и пазарот на трудот. Потребни се кадри кои ќе ги разбираат и имплементираат одржливите практики и зелените иновации. Младите луѓе преку овој натпревар покажаа дека создаваат, размислуваат иновативно и активно придонесуваат кон подобра иднина, а тоа само по себе е голем успех. М6 Едукативниот центар и понатаму ќе поддржува идеи, иницијативи и млади луѓе кои придонесуваат за развој на одржливо општество и позитивни промени во заедницата“, изјави извршната директорка на М6 Едукативниот центар Елена Младеновска Јеленковиќ.
На финалниот натпревар 8 најдобри тимови составени од учениците и нивните ментори презентираа иновативни зелени бизнис концепти насочени кон решавање на предизвиците поврзани со климатските промени, загадувањето и одржливото користење на ресурсите.
Победници на натпреварот се тимот на GrowHub од ДСУ РЦСОО “Никола Карев“- Струмица, второ место тимот на PeperWaste од СОУ “Јосиф Јосифовски“- Гевгелија и трето место тимовите на MaleshAir од ОСУ “Ацо Русковски“- Берово, и EcoCharge Bike СУГС “Раде Јовчевски-Корчагин“- Скопје.
Натпреварот беше поддржан и од Министерството за енергетика, рударство и минерални суровини, а на настанот присуствуваше и министерката Сања Божиновска. “Навистина ми е мило што младите во толку голем број се вклучени во проект кој има огромно значење за иднината и развојот на нашата држава. Без разлика кој ќе победи, сите учесници денес се победници, бидејќи преку својата креативност, знаење и посветеност покажуваат дека младите имаат капацитет да создаваат иновативни и одржливи решенија. Токму во вакви проекти вреди да се инвестира, бидејќи тие придонесуваат за развој на зелените вештини, поттикнување на иновациите и создавање кадри кои ќе бидат двигатели на зелената транзиција и одржливиот развој на државата“- изјави министерката за енергетика, рударство и минерални суровини Сања Божиновска.
“Навистина сме среќни што овој натпревар успешно се организира веќе 18 години и што секоја година младите покажуваат сè поголем интерес за креирање иновативни и одржливи бизнис концепти. Станува збор за навистина квалитетни идеи и проекти поврзани со зелените вештини, одржливиот развој и претприемништвото, па затоа изборот на најдобриот тим беше исклучително тешка задача. Особено нè радува што младите размислуваат креативно, нудат конкретни решенија и покажуваат дека имаат потенцијал да придонесат за подобра и поодржлива иднина. Дополнително, победничкиот тим ќе има можност да ја претставува нашата држава на меѓународен натпревар, што претставува големо признание, но и можност за стекнување нови искуства“- изјави професорот од Машински факултет при УКИМ Радмил Поленаковиќ.
Оваа активност е ко-финансирана од М6 Едукативниот центар и Владата на Швајцарија преку швајцарскиот проект „Образование за вработување“ – Е4Е@мк, спроведуван од Хелветас. Натпреварот дополнително го поддржаа и неколку македонски компании кои се Настанот е поддржан и од македонски компании и организации како HALKBANK AD Skopje, EVN Macedonia, OKTA AD-SKOPJE и Center for Knowledge Management, кои активно се залагаат за поддршка на младите, развој на зелени иновации, одржлив развој и создавање позитивни промени во заедницата.
The post Хакатон за зелени идеи успешно одржан во М6 Едукативен центар во Кавадарци appeared first on Marketing365.
