Со инвестиција во износ од 11 милиони евра, Aтлантик Група стекна малцински сопственички удел во waterdrop® и обезбеди место во Инвестицискиот одбор на компанијата, што ѝ овозможува директен увид во работењето и активна поддршка на идниот развој и раст на брендот.
waterdrop® е основан во Виена со мисија да ги поттикне луѓето да пијат повеќе вода на поздрав и поодржлив начин. Неговите microdrinks производи се компресирани коцки без шеќер кои ја збогатуваат водата со природни овошни и растителни екстракти, тие претставуваат практична алтернатива на класичните безалкохолни пијалаци, со акцент на вкусот и функционалноста. Производите се развиваат и произведуваат во сопствен производствен погон на компанијата во Германија, со што се обезбедуваат високи стандарди на квалитет и силна оперативна контрола.
Во текот на изминатата деценија, waterdrop® прерасна во глобален хидратациски бренд со приходи од околу 150 милиони евра, со присуство на европските пазари, во Соединетите Американски Држави, Австралија и Јапонија. Работењето на компанијата се темели на скалабилен omnichannel модел кој комбинира силна директна продажба со сопствени малопродажни продавници и избрани дистрибутивни партнерства, со профитабилно работење. Со приближно 50 малопродажни локации во поголемите светски градови, waterdrop® успешно ги интегрира дигиталниот и физичкиот продажен канал во препознатливо искуство на брендот. Глобалната видливост дополнително се зајакнува преку партнерствата со водечките меѓународни спортски настани, како што е Australian Open, како и преку соработка со врвните тенисери.
„Особено ни е драго да ѝ посакаме добредојде на Aтлантик Група како партнер и сопственик. Заедно изградивме силни темели на клучните европски пазари, а овој следен чекор ни овозможува дополнително да ја продлабочиме соработката. Aтлантик со себе носи богато искуство и сличен пристап во градењето брендови со долгорочно влијание“, изјави Мартин Доналд Мареј, главен извршен директор на waterdrop®.
Инвестицијата на Aтлантик Група е мотивирана од можноста за учество во глобалната приказна за раст во индустријата на стоки за широка потрошувачка, поттикната од силните потрошувачки трендови како премиумизација, функционалната хидратација, намалената консумација на шеќер и одржливост. waterdrop® претставува препознатлив меѓународен бренд со значителен долгорочен потенцијал за раст.
„Со големо задоволство го продлабочуваме нашето партнерство со брендот waterdrop®, а оваа инвестиција ја потврдува нашата доверба во waterdrop® и нашата амбиција да го поддржиме неговиот понатамошен раст во Европа и на другите пазари“, изјави Лада Тедески Фиорио, потпретседателка на Групата за корпоративна стратегија и инвестиции во Aтлантик Група.
Покрај Aтлантик Група, сопственичката структура на waterdrop® ја сочинуваат и меѓународно признати стратешки и институционални инвеститори.
The post Atlantic инвестира во waterdrop® – глобален microdrink бренд appeared first on Marketing365.
