Иконите на корејскиот поп TOMORROW X TOGETHER придонесоа во пишувањето на стиховите кои ја пренесуваат инспиративната порака дека „секој што ги прифаќа предизвиците со отворен ум е победник“
Јужнокорејскиот технолошки гигант Samsung Electronics ја објави песната “Open Always Wins” („Отвореноста секогаш победува“), создадена во соработка со иконите на корејскиот поп TOMORROW X TOGETHER (TXT) во состав на членовите SOOBIN, YEONJUN, BEOMGYU, TAEHYUN и HUENINGKAI. Новата химна на брендот Galaxy, чија најава за прв пат беше претставена на настанот Galaxy Unpacked минатата недела, се залага за постигнување цели со отворен ум, одекнувајќи ги основните вредности на отвореноста на Galaxy.
Поставена врз енергичен гитарски риф, “Open Always Wins” е алтернативна рок песна со моќните вокали на TXT. Членовите на бендот SOOBIN, YEONJUN, TAEHYUN и HUENINGKAI учествуваа во пишувањето на стиховите кои ги засноваа на сопствените чувства и искуства на отвореност.
„Горди сме што ја остваривме оваа соработка со нашите амбасадори на Galaxy, TOMORROW X TOGETHER, за да создадеме химна на брендот што автентично го пренесува духот на отвореност“ – истакнува Џејми Парк, потпретседател и раководител на Experience Marketing Group, Mobile eXperience Business во Samsung Electronics. „Се надеваме дека таа ќе ги инспирира слушателите да ја прифатат отвореноста во животот, како и искуствата и можностите кои доаѓаат со неа“.
Песната беше илустрирана со ново музичко видео кое испреплетува сцени со TXT додека се подготвуваат за настап, проследено со појавување на повеќе спортисти од тимот на Samsung Galaxy кои ги слават нивните успеси и предизвици во различни спортови.
Новиот сингл е достапен на повеќе музички платформи – вклучувајќи ги YouTube Music, Spotify, Melon, Genie, Bugs, Flo и Vibe – додека пропатното музичко видео е достапно за гледање на официјалниот YouTube канал на Samsung.
Заедно со објавувањето на музичкото видео, започнат е танцовиот предизвик „Open Always Wins“ кој треба да ги охрабри фановите ширум светот да ги поддржат и да навиваат за своите омилени спортисти.
„Возбудени сме што соработуваме на овој значаен проект со Samsung. Во нашиот сингл вметнавме искрена порака на охрабрување, поттикнувајќи ги сите храбро да се соочат со предизвиците без да бидат обесхрабрени од неуспехот“ – велат од TOMORROW X TOGETHER. „Ние веруваме дека тие кои ги совладуваат и напредуваат низ пречките се вистинските шампиони“.
The post Samsung ја објави химната на брендот Galaxy – „Отвореноста секогаш победува“, создадена со TOMORROW X TOGETHER appeared first on Marketing365.
