info@insajder.mk
Friday, November 20, 2026
Insajder
  • Дома
  • Истражувања и Анализи
  • Бизнис
  • Општество и иднина
  • Најнови вести
Insajder
No Result
View All Result
Home Општество

Речиси секој десетти студент во Македонија е од странство

by newsroom_insajder
November 19, 2026
in Општество
0
Речиси секој десетти студент во Македонија е од странство

Фото: 4News

152
SHARES
1.9k
VIEWS
Share on FacebookShare on Twitter

Македонија се наоѓа над просекот на Европската Унија според застапеноста на странски студенти на високообразовните установи, покажуваат податоците на Евростат за 2024 година. Од вкупно 58.334 запишани студенти на домашните универзитети, 5.807 се странски државјани, што значи дека речиси секој десетти академски граѓанин во земјава доаѓа од странство.

Со удел од речиси десет проценти странски студенти, Македонија го надминува просекот на Европската Унија, кој за 2024 година изнесува 8,7 проценти, пренесува 4News повикувајќи се на официјалната европска статистика. На универзитетите ширум земјите членки на Унијата минатата година студирале вкупно 1,65 милиони странски студенти. Од нив, околу 514.590 биле државјани на друга земја членка на ЕУ, додека 1,14 милиони пристигнале од држави надвор од европскиот блок.

Бројот на странски студенти во рамки на Европската Унија бележи постојан пораст од 2016 година, кога започна евидентирањето на овие податоци со почетни 1,2 милиони студенти. Во текот на 2023 година оваа бројка надмина 1,5 милиони, додека меѓу 2023 и 2024 година е забележан дополнителен раст од четири проценти на европско ниво.

Германија останува најпопуларна дестинација за високо образование во ЕУ со запишани 438.260 странски студенти, пред Франција со 284.865 и Холандија со 176.470 студенти. Овие три држави заедно концентрираат 54,5 проценти од вкупниот број странски студенти во Унијата. Сепак, според релативниот удел во вкупната студентска популација води Луксембург со 51,5 проценти, по што следуваат Малта со 35,6 проценти, Кипар со 21,6 проценти и Австрија со 20,8 проценти. На спротивната страна со најнизок удел се наоѓаат Грција со 2,6 проценти, Хрватска со 3,5 проценти и Шпанија со 4,6 проценти.

Академската мобилност претставува еден од клучните столбови на образовната рамка на Европската Унија. Според поставените цели во Европскиот образовен простор, предвидено е до 2030 година барем 23 проценти од дипломираните студенти да имаат остварено студиски престој или учење во странство, со истовремена цел за годишен прилив од најмалку 350.000 студенти надвор од границите на ЕУ.

Share61Tweet38
newsroom_insajder

newsroom_insajder

Insajder

Copyright © 2024

  • За нас
  • Контакт
  • Маркетинг

No Result
View All Result
  • Најнови вести
  • Бизнис
  • Огласи за работа
  • Истражувања и Анализи
  • Колумни
  • Интервјуа
  • Политика
  • Култура
  • Контакт

Copyright © 2024