info@insajder.mk
Wednesday, November 18, 2026
Insajder
  • Дома
  • Истражувања и Анализи
  • Бизнис
  • Општество и иднина
  • Најнови вести
Insajder
No Result
View All Result
Home Бизнис

Ковачевски за Предлог-буџетот за 2027: Дури 91 процент за тековни расходи, а само 9 проценти за инвестиции

by newsroom_insajder
November 18, 2026
in Бизнис
0
152
SHARES
1.9k
VIEWS
Share on FacebookShare on Twitter

Пратеникот на СДСМ, Димитар Ковачевски, упати сериозни критики до Предлог-буџетот за 2027 година, предупредувајќи дека тој не нуди развој ниту подобар животен стандард за граѓаните. Според изнесената фискална анализа, Владата ги зголемува тековните расходи, додека средствата за капитални инвестиции и развојни програми во клучните сектори се недоволни или се намалуваат.

Како што објави Макфакс, во Предлог-буџетот за 2027 година се планирани вкупни приходи од 395,4 милијарди денари и расходи од 440,4 милијарди денари. Со тоа предвидениот буџетски дефицит изнесува 45 милијарди денари, односно 3,5 проценти од Бруто домашниот производ, со што го надминува законското фискално правило од 3 проценти.

Клучниот проблем во државната каса е структурата на расходите. Од вкупните 440,4 милијарди денари, дури 399,6 милијарди денари се наменети за тековни расходи, кои бележат раст од 5,1 процент. За капитални расходи се издвоени само 40,8 милијарди денари со скромно зголемување од 1,7 проценти. Тоа значи дека на секои 100 денари јавни пари, околу 91 денар оди за тековно функционирање, а само 9 денари за капитални инвестиции.

Во однос на секторските алокации, забележани се намалувања кај витални државни функции. За реконструкција и проширување на јавните здравствени установи предвидено е кратење од околу 60 проценти. Во образованието, и покрај вкупниот секторски буџет од околу 49 милијарди денари, развојните расходи на Министерството за образование се намалуваат за 28,5 проценти, при што средствата за изградба на основни училишта се помали за 59,5 проценти, а за средните училишта за 72,3 проценти.

Сериозни кратења се планирани и во земјоделскиот сектор, каде што средствата за водостопанство и системи за наводнување се намалуваат од 122 милиони на 16 милиони денари, што претставува пад од речиси 87 проценти. Програмата за финансиска поддршка во земјоделството исто така бележи намалување од 7,3 на 6,8 милијарди денари.

Фискалната анализа укажува и на значајни отстапувања од утврдената Фискална стратегија за 2027 година. Во споредба со сопствената стратегија, приходите се пониски за 3,1 милијарда денари, тековните расходи се повисоки за 2,2 милијарди денари, а капиталните вложувања се намалени за 2,7 милијарди денари, со што планираниот дефицит е зголемен за 2,6 милијарди денари.

Share61Tweet38
newsroom_insajder

newsroom_insajder

Insajder

Copyright © 2024

  • За нас
  • Контакт
  • Маркетинг

No Result
View All Result
  • Најнови вести
  • Бизнис
  • Огласи за работа
  • Истражувања и Анализи
  • Колумни
  • Интервјуа
  • Политика
  • Култура
  • Контакт

Copyright © 2024