info@insajder.mk
Wednesday, November 18, 2026
Insajder
  • Дома
  • Истражувања и Анализи
  • Бизнис
  • Општество и иднина
  • Најнови вести
Insajder
No Result
View All Result
Home Регион

Дипломатска реакција во Брисел по изведбата на спорна песна на ЕУ форумот

by newsroom_insajder
November 18, 2026
in Регион
0
152
SHARES
1.9k
VIEWS
Share on FacebookShare on Twitter

Изведбата на песната „Ој Косово, Косово“ на концертот по повод отворањето на Форумот за проширување на Европската Унија во Брисел предизвика остри дипломатски реакции во Приштина и Тирана. Еврокомесарката за проширување Марта Кос изрази жалење поради изборот на композицијата, нагласувајќи дека тоа не го одразува официјалниот став на Европската комисија во однос на Косово.

Инструменталната изведба се одржа за време на концертот насловен „Мелодии на единството: Хармонии од европските крстопати“, каде што настапи словенечкиот состав „Марко Хатлак и Капобанда“. Во музичката програма учествуваше и Младинскиот оркестар на Западен Балкан, во чиј состав членуваат музичари од целиот регион, вклучително и од Косово, како што пренесе медиумот „Макфакс“.

Иако песната беше изведена без текст, нејзиниот избор предизвика остри реакции кај косовските и албанските претставници. Тие ја оценија композицијата како српска националистичка песна што промовира територијални претензии кон Косово. Албанскиот премиер Еди Рама изјави дека е несоодветно ваква песна да се најде на програмата, посочувајќи дека не знае дали се работи за намера или незнаење, но нагласи дека тоа претставува навреда, особено под наслов посветен на единството.

Претседателката на косовското Собрание, Албулена Хаџиу, изрази загриженост и порача дека европските институции мора да покажат поголема чувствителност кон историјата на регионот. Во меѓувреме, косовскиот амбасадор во Белгија, Агрон Бајрами, го оцени настанот како политичка провокација, а не како културна размена, барајќи официјално појаснување од Европската комисија за тоа како била одобрена програмата.

Одговарајќи на критиките, еврокомесарката Марта Кос истакна дека изборот на песната од страна на музичарите засега чувствителни прашања со оглед на болната историја на заедниците на Косово. Таа нагласи дека настапот не го претставува нејзиниот личен став ниту ставовите на Комисијата, повикувајќи на фокус кон заедничката европска иднина. Од Европската комисија потврдија дека композицијата била избрана директно од ансамблот и не била претходно усогласена со организаторите.

Форумот за проширување на ЕУ се одржува по вторпат и на едно место ги собира европските лидери и претставниците од сите земји кандидати од регионот. Годинешниот собир е фокусиран на прашањата за проширувањето, спроведувањето на реформите, економскиот раст, инвестициите и безбедноста.

Share61Tweet38
newsroom_insajder

newsroom_insajder

Insajder

Copyright © 2024

  • За нас
  • Контакт
  • Маркетинг

No Result
View All Result
  • Најнови вести
  • Бизнис
  • Огласи за работа
  • Истражувања и Анализи
  • Колумни
  • Интервјуа
  • Политика
  • Култура
  • Контакт

Copyright © 2024