Денеска започнува конститутивната седница на 15-тиот состав на Народното собрание на Србија, каде што „Студентската листа“ го презема мнозинството со 140 пратенички места, додека Српската напредна странка по години на власт преминува во опозиција.
На парламентарните избори одржани на 25 октомври, од вкупно 18 изборни листи што учествуваа, седум обезбедија место во новиот парламент. Меѓу нив, пет листи претставуваат национални малцинства.
Новиот состав на српскиот парламент брои 250 пратенички места. „Студентската листа“ освои 140 мандати и внесува нови лица во законодавниот дом, додека Српската напредна странка (СНС) освои 103 пратенички места и во овој свикување ќе делува како опозициска партија.
Како што објави [Макфакс](https://makfax.com.mk/svet/region/video-incident-pred-narodnoto-sobranie-na-srbija-akterkata-lidija-vukikevik-poliena-so-jogurt/), утринава пред зградата на Народното собрание се собраа поддржувачи на „Студентската листа“ за да ги испратат новите пратеници на нивната прва седница. Пред парламентот беше забележана тензична атмосфера.
При влегувањето на пратениците во зградата се случи и помал инцидент кога лице од толпата истури јогурт врз актерката Лидија Вукиќевиќ, новоизбрана пратеничка од редовите на СНС. Таа се избриша со марамче и по неколку моменти на скалите влезе во зградата на Собранието.