- Во регионот на Централна и Источна Европа, Блискиот Исток и Африка (CEMEA), компанијата бележи значителен раст на уделот на токенизирани трансакции – од 26% во 2023 година на 70% во 2026 година.
- Една година по воведувањето на порамнување преку stablecoin, обемот на овие трансакции се зголеми речиси 60 пати.
Visa денес претстави серија решенија базирани на вештачка интелигенција, stablecoin и токени, дизајнирани да им овозможат на клиентите низ регионот CEMEA активно да учествуваат во создавањето на следната фаза од развојот на трговијата. Во пресрет на Visa Payments Forum, кој ќе се одржи на 1 јули во Париз, компанијата прикажа како две клучни технолошки промени – примената на вештачката интелигенција и употребата на stablecoin – го трансформираат начинот на кој се одвиваат трговијата и трансферот на средства, како во делот што е видлив за корисниците, така и во позадината на платните системи. Истовремено, Visa развива решенија што им овозможуваат на своите клиенти да се приспособат на овие промени, да го унапредат своето работење и да создадат нови, сигурни кориснички искуства.
„Трговијата влегува во нова фаза во која станува сè поинтелигентна, програмбилна и целосно интегрирана во секојдневниот живот“, изјави Тарек Махмуд, регионален претседател на Visa за регионот CEMEA.
„За компаниите што работат во дигиталната економија ова носи големи можности, но и поголема потреба од доверба и меѓусебна усогласеност. Visa е фокусирана на развој на инфраструктура и решенија што им овозможуваат на клиентите сигурно да воведуваат иновации во сите сегменти на платниот процес и да обезбедат уште подобро искуство и за корисниците и за компаниите“, додаде Махмуд.
Зајакнување на корисничкото искуство во трговијат со помош на вештачка интелигенција
Visa претстави како вештачката интелигенција го менува начинот на кој трансакциите се иницираат, одобруваат и обезбедуваат, истовремено забрзувајќи го развојот и примената на нови трговски искуства. Со оглед на тоа што AI агентите сè почесто извршуваат задачи во име на потрошувачите и компаниите, платформата Visa Intelligent Commerce, наменета за агентска трговија, обезбедува неопходни механизми за контрола, овозможувајќи им на AI агентите безбедно да пронаоѓаат производи, да иницираат и да завршуваат трансакции.
За поддршка на оваа трансформација, Visa соработува со партнери од целиот платен екосистем за воспоставување транспарентни и сигурни трансакции иницирани од AI агенти. Во рамките на оваа соработка е развиено и новото решение Agent Score, во партнерство со компанијата New Generation, кое им овозможува на трговците да ја проценат подготвеноста на своите веб-страници за агентска продажба, односно дали AI агентите можат успешно да се движат низ страницата, да ја разберат нејзината содржина и да ги извршат потребните активности.
Дополнително, за трговците е важно да знаат на кои AI агенти можат да им веруваат, додека агентите треба да бидат сигурни дека работат со легитимни трговци. Затоа Visa го претстави Agentic Directory, база што ги обединува проверените AI агенти и трговци како доверливи учесници во агентската трговија.
Токените како основа на трговијата базирана на вештачка интелигенција
Еден од главните двигатели на растот на е-трговијата во регионот CEMEA е сè пошироката примена на токенизацијата, која овозможува побезбедни, поедноставни и беспрекорни искуства при дигиталното и мобилното плаќање. Во регионот CEMEA уделот на токенизираните трансакции пораснал од 26% во 2023 година на дури 70% во 2026 година.
Токените веќе обезбедуваат високо ниво на заштита на податоците за дигиталните плаќања. Како што трговијата се проширува на нови канали и AI агенти, Visa дополнително ја надградува базата на податоци со информации за видот на трансакцијата, местото каде што се користи токенот и идентитетот на плаќачот. Дополнително унапредување претставува и воведувањето на сигнал за доверливост на токенот. Неговата употреба се оценува во текот на целиот животен циклус, врз основа на начинот на кој е издаден и историјата на неговото користење, со што за секоја трансакција се генерира индикатор за нивото на доверливост.
Овие подобрувања дополнително ја зајакнуваат улогата на токените како основа за сигурна дигитална и AI-базирана трговија, обезбедувајќи им на клиентите повеќе релевантни информации и поголема сигурност во средина во која трансакциите стануваат сè поавтоматизирани и поинтелигентни.
Модернизација на инфраструктурата за трансфер на средства со stablecoin
Visa го претстави напредокот во модернизацијата на порамнувањето и преносот на вредност преку stablecoin и инфраструктура базирана на blockchain технологија. Преку решението Tokenized Deposits, компанијата развива технолошки слој што ќе им овозможи на банките традиционалните депозити да ги претворат во програмбилни дигитални средства достапни во секое време. На овој начин банките можат да ја постигнат брзината и флексибилноста што ги нудат stablecoin, а средствата и понатаму да останат во рамките на нивните биланси.
Visa истовремено ги проширува пилот-проектите за порамнување преку stablecoin на повеќе региони, blockchain мрежи и валути. По првите пилот-програми започнати на почетокот на 2025 година, преку мрежата VisaNet е реализиран промет со stablecoin вреден повеќе милијарди долари, при што годишното темпо на трансакции во март 2026 година достигна приближно седум милијарди американски долари. Банките издавачи на картички веќе денес со Visa вршат порамнување на blockchain седум дена во неделата, а компанијата работи истиот модел да го прошири и кај банките што ги прифаќаат картичките, со што ќе се зголемат флексибилноста и зачестеноста на порамнувањата во целиот платен екосистем.
Од воведувањето на можноста за порамнување преку stablecoin во регионот CEMEA пред една година, нивниот обем е зголемен речиси 60 пати.
За потрошувачите и компаниите да можат да ги користат своите stablecoin средства на сите продажни места што прифаќаат Visa картички, компанијата продолжува да ги проширува програмите за картички поврзани со stablecoin средства. Повеќе од 160 програми ширум светот веќе се активни или се во фаза на развој, а се очекува нивното усвојување дополнително да се забрза.
Од податоци до интелигентни увиди со помош на вештачка интелигенција
За да им помогне на клиентите да одговорат на сè поголемите очекувања на корисниците, Visa ја поврзува модерната платна инфраструктура со напредни можности за анализа на податоци, овозможувајќи поквалитетно носење одлуки во текот на целиот процес на плаќање.
Компанијата претставува ново решение базирано на вештачка интелигенција наменето за банките, кое им помага да ги препознаат потребите на корисниците за патување уште пред да се реализира трансакцијата. Од денес достапно во регионот CEMEA, Visa Trip Intelligence ги комбинира податоците од мрежата VisaNet со информации од независни извори за да ја препознае намерата на корисникот да патува, да креира персонализирани планови за патување и на банките да им обезбеди увиди што можат веднаш да ги применат.
На тој начин банките можат навремено да понудат поддршка пред патувањето, да ги намалат можните пречки при плаќањето во странство и на своите клиенти да им обезбедат порелевантни поволности, услуги и искуства за време на патувањето.
