Наш денешен гостин на Маркетинг365 е Огнен Јанкуловски, координатор на проекти во Импакт Фондација. Со него разговаравме за мисијата и активностите на фондацијата, за фриленсингот, претприемништвото и начините за нивен развој и поттикнување. Исто така се осврнавме и на серијата настани „Од почетник до успешен фриленсер“ како дел од проектот „Проширување на можностите за претприемништво на младите и економско зајакнување на жените“. Повеќе на темата, прочитајте во интервјуто со Огнен во продолжение.
М365: Веќе неколку години сте дел од Импакт Фондација преку која сте реализираре повеќе различни проекти. Ќе можете ли накратко да ни ја претставите фондацијата и нејзината мисија и визија?
Огнен Јанкуловски: Импакт Фондација е двигател на позитивни промени, фасилитирање и партнерства за инклузивен економски развој. Визијата на Импакт Фондација е економски раст и трајно создавање во праведно, зелено и инклузивно место. Како фондација ние работиме на развој на приватниот сектор, односно им помагаме на приватници во нивниот развој и усовршување. Јас сум во Импакт Фондација повеќе од 3 години и за тоа време имав можност да работам на повеќе проекти и активности преку кои се залагаме за развој на екосистемот на фриленсинг и самовработување преку создавање на можности за фриленс на дигитални платформи. Исто така, Импакт Фондација има овозможено на мали земјоделски производители да воведат модерни бизнис алатки, да направат бизнис планови и маркетинг стратегии.
М365: Неодамна го организиравте настанот „Од почетник до успешен фриленсер“ како дел од проектот „Проширување на можностите за претприемништво на младите и економско зајакнување на жените“. Кажете ни нешто повеќе за овој проект?
Огнен Јанкуловски: Проектот се надоврзува на претходни успешни проекти имплементирана од Фондацијата Импакт. Влијанието на претходните активности беше значајно, користа од 1.119 лица (60% жени). Ова го покажува значителното влијание на нашата програма во зајакнувањето на поединците да го прифатат фриленсинг. Го поддржавме развојот на 11 различни курсеви за дигитални вештини и хонорарци, создавајќи 31 нова или подобрена услуги. Од 444 луѓе кои започнале со хонорарна кариера, 53% биле жени, што ги зајакнува економските перспективи и ја промовира родовата еднаквост.
Со овој проект продолжуваме да ја поддржуваме фриленсинг заедницата. Целта на овој проект е преку низа на настани и активности да го подобриме пристапот на младите до можности за обука и вработување преку промоција на фриленсингот како кариера. Односно им овозможуваме на младите кои се заинтересирани да зачекорат во фриленс водите да научат од успешни фриленсери. Преку овој проект им го олеснуваме патот на новите и перспективни фриленсери.
М365: Дали ќе има и други настани од циклусот „Од почетник до успешен фриленсер“? Што предвидуваат тие?
Огнен Јанкуловски: Следен настан ни е во план на 21ви март. На овој настан партнери ни се Мелита и Партнери. Говорниците ќе ни го споделат своето долгогодишно искуство како фриленс сметководители и ќе ни споделат совети за започнување на фриленс кариера, менџирање со странски и домашни клиенти и како да ги подобриме нашите дигитални вештини. Фокусот на настанот ќе биде заработување на дигитални платформи со поседување на сметководствени вештини.
Настанот ќе биде на англиски јазик.
М365: Импакт Фондација веќе подолго време работи на проекти поврзани со фриленс заедницата и веројатно е организацијата која најсилно е поврзана со оваа заедница. Зошто според Вас е важно да се посветува внимание на оваа тема?
Огнен Јанкуловски: Кога се спомнува фриленс, веднаш се помислува на Имакт Фондација. Тоа е резултат на нашата долгогодишна работа преку најразлични проекти и активности за развој на екосистемот на фриленсинг во С.Македонија. Самовработувањето преку хонорарни или „нестандардни“ форми на вработување стана современа карактеристика на пазарите на труд на глобално ниво, а сè повеќе се појавува и во Источна Европа и Западен Балкан. Во следните неколку години, ваквите трендови ќе преземат голем процент од работната сила во споредба со стандардизираното вработување. Фриленсингот овозможува луѓето да имаат повеќе слобода во приватниот и работниот живот преку можноста да одбираат кога и за кого ќе работат. Фриленсерите немаат стандардно време на работа, односно не мора да седат во канцеларија 8 саати на ден, тие можат сами да си го организираат времето како што им одговара. Преку овие настани овозможуваме искусни фриленсери да го споделат нивното искуство и знаење со новата генерација на амбициозни и искусни професионалци.
М365: Кои останати теми се во фокусот на работа на Импакт Фондација за новата 2024 година?
Огнен Јанкуловски: Импакт Фондација е конзорциумски партнер на голем проект за модернизција на мали и средни бизниси за кој допрва ќе зборуваме. Нашиот стратешки фокус е јакнење на бизниси преку различни методологии. Секторски гледано имаме желба да влеземе подлабоко во дигитална трансформација и менаџмент консалтинг на бизнисите. Нашиот тим има солидна експертиза за претприемниѓтво, зелени економии и одржлив туризам .
The post Интервју со Огнен Јанкуловски – координатор на проекти во Импакт Фондација appeared first on Marketing365.
