Avant2Go повторно донесе иновација во Македонија со воведување на .GO Rent, напредно надополнување на услугата за споделување електрични возила, со можност за однапред резервирање на подолг период (до 90 дена).
Пролетта на корисниците на car sharing системот Avant2Go им носи нова можност – да изнајмат однапред возило од 1 до 90 дена, дигитално преку апликацијата Avant2Go Car Sharing, без чекање, посета на филијала или сложени административни процедури.
Отсега, покрај споделување електрилни возила на кратки скопски релации, корисниците ќе можат да возат и во странство.
Нова димензија на современата мобилност
GO Rent е осмислен како дополнителна услуга во рамките на Avant2Go системот.
Додека GO Share, основната Avant2Go услуга, овозможува краткорочно користење на електрични возила и плаќање според времето на користење, GO Rent нуди можност за однапред резервирано користење возило за подолг период – од еден ден па сè до три месеци.
Корисниците можат целиот процес да го завршат во апликацијата: да резервираат возило, да извршат плаќање и во договорено време да го преземат возилото на избраната локација.
Tesla Model 3 во флотата
Со воведувањето на GO Rent, Tesla Model 3 Long Range носи ново ниво на електрична мобилност за корисниците. Овој премиум модел на Tesla претставува значајно проширување на флотата.
Покрај Tesla Model 3, корисниците преку GO Rent ќе можат да одберат и Renault ZOE, веќе добро познат и префериран модел меѓу Avant2Go корисниците.
Поголема достапност и подобра организација на флотата
GO Rent го надополнува постоечкиот систем за споделување Avant2Go и овозможува подолгите користења на возила да се одвиваат во посебна услуга во рамките на истата апликација.
На овој начин се подобрува достапноста на возила за краткорочните корисници, а истовремено се нуди практично решение за оние на кои им е потребно возило за подолг период.
„GO Rent нуди нова можност за корисниците кои сакаат едноставно и практично решение за подолгорочно користење возило,“ објаснува Мартин Милевски, директор на компанијата Avant Car. „Целиот процес – од резервација до преземање на возилото – се одвива дигитално преку апликацијата, што значи помалку административни процедури и повеќе време за самото патување.“
Достапно на тринаесет локации во Скопје
За почеток, GO Rent ќе биде достапен на тринаесет избрани локации во Скопје, а корисниците ќе имаат можност со возилата, согласно условите за користење, да патуваат и надвор од државата.
„GO Rent ја проширува мобилноста што ја нуди Avant2Go и претставува практично решение за современиот начин на живот, каде што корисниците очекуваат услугите да бидат брзи, едноставни и достапни дигитално,“ додава Милевски.
За Avant2Go
Avant2Go е наградувана услуга за споделување 100% електрични возила, која ги обединува двата најзначајни тренда во современата мобилност – електрична мобилност и споделување возила.
Ова е првата car sharing услуга во Македонија и за помалку од една година од своето активирање бележи континуиран раст. Сè поголем број корисници секојдневно ги користат Аvant2Go 100% електричните автомобили низ Скопје, додека мрежата на локации од каде што може да се изнајмат возилата е повеќе од двојно проширена.
Во регионот системот опфаќа повеќе од 700 електрични возила од реномирани производители (Renault, Smart, Fiat, Peugeot, Opel, Cupra, Tesla), достапни на повеќе од 200 локации во четири држави – Северна Македонија, Словенија, Хрватска и Австрија.
Со воведувањето на GO Rent, Avant2Go дополнително ја проширува својата понуда, овозможувајќи им на корисниците едноставен дигитален начин за користење возило и за подолг период – надвор од Скопје.
The post TESLA Model 3 пристигна во флотата на Avant2Go appeared first on Marketing365.
