Започна производствениот процес во Natural Vitamins, нова домашна компанија која се занимава со производство на квалитетни и иновативни додатоци во исхрана. Станува збор за „гринфилд“ инвестиција, чиј производствен капацитет е лоциран во Кичево, каде се инсталирани современи технологии за производство согласно светските стандарди.
„Идејата за оваа бизнис приказна се роди пред неколку години, кога инспирирани од личните искуства на луѓето околу нас, започнавме да истражуваме и да креираме природни решенија за надминување специфични здравствени состојби. Првата рецептура што ја создадовме беше наменета за лица кои се соочуваат со проблеми со циркулација на крвта и концентрација. Позитивните резултати што ги даде тој додаток нè мотивираа да продолжиме да истражуваме и да работиме на ова поле, и така по неколку години настана Natural Vitamins“, вели Ненад Спасески сопственик на компанијата.
Почетниот асортиман се состои од три производи од брендот Flosica, кои се со целосно природен состав, без адитиви, конзерванси и вештачки бои. Flosica Circulatio е комбинација од пет билки кои природно го подобруваат протокот на крв и го поддржуваат нормалното снабдување со кислород и хранливи материи на организмот. Flosica Neuro е напредна формула за природна поддршка на нервниот систем, додека Flosica Detox е додаток во исхраната, создаден за природна заштита на црниот дроб и одржување нормално ниво на масти во крвта.
„Нашата мисија е едноставна – да го внесеме најдоброто во секојдневниот живот на луѓето преку балансирање на природата и науката. Изворот на секој наш производ се природни билки кои со векови ги хранеле и зајакнувале нашите предци“, објаснува Ненад Спасески.
Производите на Natural Vitamins се достапни за купување онлајн, како и во продажните мрежи на повеќе аптеки низ Македонија.
The post Започна со работа Natural Vitamins – македонска компанија за производство на додатоци во исхрана appeared first on Marketing365.
