Во духот на празниците, корисниците на програмата за поволности и подароци на Македонски Телеком, Magenta Moments, покажаа дека солидарноста и хуманоста можат да се преточат и во дигитален гест со суштинско значење.
Во рамките на хуманитарната акција „Сите можеме да бидеме Дедо Мраз“, која траеше само две недели во декември, беа донирани вкупно 6,3 милиони Magenta Moments срца од над 22.000 корисници. Со просечна донација од околу 300 срца по корисник, компанијата заедно со корисниците, создаде вистинска празнична магија.
Сите донирани Magenta Moments срца беа преточени во новогодишни пакетчиња, кои беа донирани на деца од ранливи категории во центри и институции низ земјата. Пакетчињата ги поделија вработените кои се дел од волонтерската програма на Македонски Телеком.
Пакетчиња добија децата од ДСУ за рехабилитација и образование „Св. Наум Охридски“ – Скопје, Дневниот центар за деца во социјален ризик „Гнездо“, како и деца од ранливи категории во неколку други градови како Битола, Штип, Струга и Кавадарци.
Magenta Moments, како програма што обединува поволности, подароци и ексклузивни искуства за корисниците на Македонски Телеком, преку оваа акција уште еднаш ја покажа својата улога и како платформа за општествено одговорни иницијативи.
Одличниот одзив од корисниците е силна потврда дека ваквиот модел на дигитална хуманост има потенцијал и во иднина да прерасне во значајна поддршка за заедницата, особено во период кога празниците нè потсетуваат на грижа, споделување и човечност.
The post Новогодишни пакетчиња за деца преку програмата Magenta Moments на Македонски Телеком appeared first on Marketing365.
