Денеска во Скопје, во просториите на Министерството за надворешни работи и надворешна трговија, беше одржан официјален настан со кој беше претставен стартот на Шведско–Македонската стопанска комора (Swedish–Macedonian Chamber of Commerce – SMCC) која формално започна со своето работење.
Настанот беше отворен со обраќања на заменик-министерот за надворешни работи и надворешна трговија Зоран Димитровски и амбасадорот на Кралството Шведска во Северна Македонија Ола Солстром, по што следуваа обраќања од претседателката на Комората, Марија Николовска и извршниот директор Самуел Наумовски Викјус, кои ја претставија мисијата, визијата и стратешките приоритети на SMCC.
Во рамки на програмата се одржа и панел-дискусија на тема „Градење посилен шведско-македонски бизнис мост“, модерирана од Оскар Алгвере, стратешки советник на SMCC, на која учествуваа Димитар Клисаровски, Country Manager во Diaverum, Иван Атанасовски, Managing Director на NICK’S Factory, Горан Стојановски, Business Director во PCG International како и Стафан Хедстром, CEO на SaaS. претставници на компании со активно присуство и искуство во билатералната економска соработка.
На настанот присуствуваа бројни претставници на бизнис-заедницата во Северна Македонија, државни институции, други стопански комори, како и различни релевантни стејкхолдери, што ја потврди силната заинтересираност за продлабочување на економските врски и отворање нови можности за соработка меѓу двете земји.
Овој настан следува по слична промоција што претходно беше одржана во Шведска и претставува значаен чекор кон зајакнување на трговската размена, инвестициите и долгорочните партнерства меѓу шведската и македонската бизнис-заедница.
The post Промовирана Шведско–Македонската стопанска комора appeared first on Marketing365.
