Во светло на најавените два “круга” владини рекострукции (“прв круг” кај ресорите на Вреди и “втор круг” во ресорите на Вмро-Дпмне и Знам) во јавноста проциркулираа многу различни имиња за министерски смени или рокади на досегашните министри.
Од она што официјално е познато, а денеска потврдено и со официјалниот предлог до Собранието, во првиот круг на нови имиња што ќе се приклучат во владиниот кабинет се Беким Сали, кој ќе биде нов заменик-претседател на Владата и министер за евроинтеграции и Мухамед Хоџа кој ќе биде новиот министер за животна средина и просторно планирање.
Сали на министерското столче ќе седне на местото на својот сопартиец од Алтернатива, Орхан Муртезани кој пак ќе продолжи како македонски амбасадор во НАТО, а Хоџа ќе продолжи да раководи со ресорот Животна средина и ПП на местото од Изет Меџити кој беше избран за градоначалник на Чаир.
Сепак, на големо изненадување во јавноста деновиве се појави и шпекулација дека се размислува за промена и на Министерот за Здравство, Азир Алиу – за кој воопшто немаше никаков повод или претходна најава, со оглед на тоа што тој е еден од министрите за кои постои сеопшт консензус дека е потребно да добие поголема поддршка за најавените реформи во здравството и силниот план за реформи со кој започна, за што впрочем доби и силна поддршка од коалицијата Вреди, премиерот Христијан Мицковски и странскиот фактор.
Денеска веќе гледаме дека од тие шпекулации за смена нема ништо, но сепак останува отворено прашање што беше поводот и кој беше изворот на тие шпекулации?
Добро информираните извори за случувањата во Вреди велат дека Азир Алиу во изминатиот изборен циклус, со својата работа и прифатеност кај граѓаните се наметнал како еден од најпопуларните лидери на Вреди и воопшто во Владата, пред се со практичниот пристап со кој “влезе” во решавање на неколку болни точки на здравствениот систем и со неговата отвореност да инволвира во процесите и директно да им помага на граѓани, здруженија на пациенти и останати значајни стејкхолдери.
Дали на овој негов импакт сепак не толку среќно гледаат и некои внатре-партиски структури или несреќни опозиционери, сега-засега немаме информации, но секако ја поздравуваме одлуката на лидерскиот тим на Вреди и премиерот Мицковски за обезбедување континуитет на започнатите реформи во еден од најважните ресори каде после долго време видовме дека некои процеси навистина се раздвижуваат.
