Уникатниот спој на реално шоу и акцелераторска програма The Founder Games ве кани „позади сцената“ на нетворкинг настан за време на снимањетo закажано за следната недела на 8, 9 и 10 април 2025 во Скопје.
Снимањето ќе се случи во CoWork 21 (TV21 позади Собрание), од 17:30 до 19:30 часот, означувајќи го местото каде што ќе се соберат најкомпентентните стартапи од Југоисточна Европа за да ги надминат сите предизвици и се стекнат со нова инвестиција и билет за Силиконската Долина – епицентарот на иновацијата.
„Креиран под името Startups Meet Suits, целта на овој настан е да ги спои најуспешните претприемачи со професионалци од успешни компании во нашата земја. Нашите учесници работат на револуционерни идеи, но вие, корпорациите, ги имате ресурсите и професионалната мрежа што ќе им помогне да се доближат еден чекор до поголем успех на овие иноватори. Настанот е многу повеќе од нетворкинг – ве покануваме да бидете дел од настан каде што се создаваат партнерства, се развиваат продуктивни дискусии и станувате дел од екосистемот што ја движи иднината на секој бизнис“ – стои во поканата на организаторите.
Првото издание на ‘Startups Meets Suits’ доведе до значајни соработки и над 30 гости-компании, вклучувајќи ги Halkbank AD Skopje, Алкалоид, Бизнис мрежа, Brainster, Leoron Institute, Реплек, KБ Прво Пензиско Друштво и многу други кои заминаа со нови бизнис погледи на иновацискиот екосистем, а претприемачите на The Founder Games запечатија нови бизнис можности.
Доколку сакате да бидете дел од настанот, треба да ја пополните формата за регистрација на овој линк и да дадете свој придонес во втората, и овој пат регионална сезона на The Founder Games.
Сите останати прашања во врска со настанот или можностите за соработка, можете да ги испратите на електронската пошта: play@foundergames.com
