А1 Македонија ја продолжува ексклузивната можност за учење дигитални вештини на бесплатната академија
А1 Македонија најавува нова етапа на својата успешна иницијатива за развој на дигитални вештини наменета за младите и го лансира новиот модул „AI in Business – Вештачка интелигенција во бизнисот“ во рамките на целосно бесплатната академија, „A1 Academy“.
И во овој циклус сите млади од 18 до 25 години, кои сакаат да стекнат нови вештини за интегрирање на AI – вештачка интелигенција во клучни бизнис-функции и практично користење алатки за анализа на податоци, имаат ексклузивна можност за успешно управување со својата професионална кариера.
Предавачи на Академијата се врвни експерти, професионалци во својата област, кои своето знаење ќе го пренесат ставајќи акцент на примери од практично искуство. Овој модул е проширен со специјално предавање од страна на професори од Факултетот за информатички науки и компјутерско инженерство при универзитетот „Св. Кирил и Методиј“ во Скопје, со што ќе придонесат кон збогатување на содржините на оваа тема.
– По исклучителниот успех на претходниот циклус на „A1 Academy“, во кој повеќе од 200 млади ентузијасти стекнаа напредни дигитални вештини, Академијата продолжува да поставува високи стандарди во едукацијата на млади луѓе. Како компанија која е целосно посветена кон заедницата и младите, оваа трета сезона воведуваме нов модул „AI in Business“ коj ќе им помогне реално да ги практикуваат дигиталните вештини неопходни за нивен понатамошен развој. Со новиот модул, студентите ќе имаат можност да го истражат потенцијалот на вештачката интелигенција како клучен фактор за иновации и развој на дигиталниот свет. Ги охрабруваме сите млади да се пријават и да ја искористат можноста за професионален раст и развој во својата идна кариера – изјави Елена Димовска, раководителка на одделот за корпоративни комуникации во А1 Македонија.
Апликацијата ќе биде отворена од денес до 22.11.2024г, а академијата официјално почнува на 26 ноември. Сите заинтересирани млади што сакаат да бидат дел од „A1 Academy“ и модулот „AI in Business“ потребно е да ја пополнат апликација, достапна на следниот линк. По завршување на Академијата, секој учесник добива сертификат за стекнатото знаење.
„A1 Academy“ е едукативна програма иницирана и спроведена од А1 Македонија во рамките на проектите на компанијата за општествена одговорност и одржливо работење.
The post „Вештачка интелигенција во бизнисот – AI in Business“ е новиот модул на A1 Academy appeared first on Marketing365.
