Безвременскиот стил и вечната поврзаност се главните мотиви на Holiday колекцијата на H&M. Облеката блеска со елегантни кроеви, весели украси и свежи пресврти, кога се во прашање ретро детали.
Колекцијата Holiday црпи инспирација од модата и елеганцијата на 60-тите и 70-тите години. Таа е особено инспирирана од високата мода од таа ера и без напор ја нагласува нејзината релевантност и денес. Има посебен фокус на силуетата: острите линии на party стилот од 60-тите, заедно со подолгите, гламурозни стилови на вечерна облека од 70-тите.
Расположението е елегантно, графичко и монохроматско, со неочекуван волумен и пропорции, создадавајќи карактеристични стилови за секоја гардероба и секоја прослава. Минималистичките, софистицирани силуети на колекцијата се избалансирани со разигран пристап кон декорирањето. Црно-белиот изглед е нагласен со светки, машнички и украсен вез. Класичната кошула е украсена со кристали на манжетните, а смокинг оделото со шорцеви е густо извезено со деко детали.
Модните додатоците потсетуваат на луксузниот стил од 60-тите – чантите и чевлите се украсени со mirror деко детали, кои црпат инспирација од естетиката на таа ера. Рамните чевли изгледаат совршено со мини фустани, нудејќи младешки, речиси момчешки изглед. Вечерните чанти се завршени со издолжени кристални реси, кои додаваат драма и движење – совршени за танцување.
За мажите, колекцијата црпи инспирација од лежерниот, шармантен гламур од средината на минатиот век. Флуидни кошули и плисирани панталони одат рака под рака со светкави костуми.
„За празниците во 2024 година, промовираме нов вид на елеганција, шармантна и весела, а сепак целосно модерна. Во современиот гардеробер го внесуваме возвишениот стил на високата мода од 60-тите и 70-тите години.” – Елиана Масгалос Дуарте, главен дизајнер на женска облека, H&M.
Со својата празнична кампања, H&M ја слави и промовира љубовта во сите нејзини форми – помеѓу родителот и детето, помеѓу браќата и сестрите, меѓу љубовниците. Ѕвездите од кампањата, како што се Мона Тугард, Џема Вард, Ким Гордон и 070 Шејк, им се придружуваат на своите сакани во славењето на заедништво, додека ја прикажуваат празничната колекција на H&M за 2024 година. Моментите на нежност се доловени низ генерации, семејства и позадини, во серија непречени и интимни портрети.
Колекцијата Holiday ќе биде достапна од 7 ноември во одбрани продавници и на веб-страницата hm.com.
The post H&M ја слави безвременоста со својата Holiday колекција за 2024 година appeared first on Marketing365.
