Вчера, прекрасниот Мадрид беше домаќин на престижната церемонија за доделување на годишните Диаверум глобални награди. Настанот ги прослави најдобрите во пет категории: Инспирација, Страст, Компетенции, За живот и Вистинска грижа.
Диаверум Македонија се најде меѓу номинациите во две категории – „Компетенции“ и „Вистинска грижа“. Овие номинации сами по себе се огромно признание за нивната неуморна посветеност и труд. Но, најголемата радост дојде кога Country team Диаверум Македонија ја освои престижната награда за „Вистинска грижа“.
„Оваа награда е одраз на нашите многубројни заложби, иновативни активности, успешни настани и трансформативни проекти. Над сè, таа ја потврдува нашата непоколеблива посветеност на #вистинскагрижа за нашите пациенти“ – посочуваат од Диаверум Македонија.
„Огромна благодарност до целиот тим кој неуморно работи за да ја направи разликата во животите на оние на кои им служиме. Оваа награда не е крај, туку нов почеток! Таа нè мотивира да продолжиме да се стремиме кон извонредност во сè што правиме. Заедно, продолжуваме да ја издигнуваме здравствената грижа на повисоко ниво, секој ден правејќи го светот малку подобро место за живеење“ – заклучуваат од Диаверум Македонија.
The post Диаверум Македонија добитник на интернационална награда appeared first on Marketing365.
