Кога треба да го избереме најубавото место на светот, одлуката паѓа на местото каде што се чувствуваме среќно, задоволно и исполнето. Тоа е местото што ни буди позитивни емоции, ги чува сеќавањата и каде што секојдневно создаваме лични и општествени приказни.
Банката со најдолга традиција на пазарот, Стопанска банка АД – Скопје, во својата најнова кампања несебично ни открива каде всушност се наоѓа најубавото место. Тоа е – дома.
Местото каде растеме, учиме и се развиваме, местото каде ја наоѓаме својата слобода, но и својот мир. Местото каде срцето ни е полно и каде луѓето, пријателите и заедничките прослави и успеси го прават незаменливо и единствено.
Кампањата е осмислена и реализирана од креативната агенција „Њу момент“ по повод големиот јубилеј – 80 години постоење на Банката. Оваа годишнина е вредна за почит бидејќи Стопанска банка 80 години останува верна на својот избор да работи, создава и расте ДОМА, насочувајќи ја својата енергија, знаење и искуство за да им помогне и на другите да успеат токму ДОМА. Тука да го градат својот дом, своето семејство и бизнис, да им помогнат да ги остварат своите соништа, да ги реализираат сите желби, да се радуваат на моментите поминати со блиските луѓе, на малите и големите успеси и секојдневно да го впиваат животот со сите сетила.
Со исклучително колоритен спот во продукција на „Њу момент“, сниман на повеќе локации низ Македонија со најмодерна техника и извонредни професионалци и креативци, Банката со нагласена емотивност потсетува зошто дома е најубаво, надевајќи се дека оваа кампања ќе допре до сите генерации, особено до младите. Развивајќи ја приказната во слики од различни предели, ги доловува карактеристичните емоции, ја покажува хармонијата на различностите околу нас и открива дека и покрај сите несовршености, сепак дома е незаменливо, токму поради сите овие елементи споени во една уникатна целина. Оваа кампања поттикнува повторно да ја откриеме љубовта кон дома и мудро потсетува зошто, им посочува на младите дека дома е најубаво ако доволно и искрено посакаат и се обидат, а со дополнителна помош и поддршка од најблиските и најголемата Банка ништо не е невозможно. Затоа треба да градиме иднина тука, а не некаде „таму“.
Погледнете ја приказната која Стопанска банка ја испишува 80 години и ќе продолжи да ја испишува. Тука, дома.
The post Дома е најубаво – емотивна кампања на „Њу момент“ за 80-годишниот јубилеј на Стопанска банка appeared first on Marketing365.
