Македонската банка Халкбанк АД Скопје се најде во листата на најуспешни огласувачи во поширокото соседство според новообјавениот извештај на регионалниот креативен натпревар BalCannes, согласно резултатите од овогодинешното издание на фестивалот на кое се натпреваруваа огласувачи и агенции од Босна и Херцеговина, Хрватска, Словенија, Србија и Македонија.
Во листата на Топ 10 најдобри огласувачи на BalCannes, составена според доделените поени од стручното жири кое го сочинуваат претставници на огласувачите, агенциите и професионалните медиуми, Халкбанк АД Скопје се најде на 9-то место.
Успехот доаѓа како резултат на кампањите кои Халкбанк минатата година ги реализираше во соработка со креативната агенција McCann Скопје, и тоа кампањата за финансиска родова рамноправност „Фустани со џебови“ и кампањата за купување дом во мирно и зелено соседство – „Б-страна билборди“.
„Да се биде препознаен како еден од најдобрите огласувачи во регионот е сигурно големо достигнување за нас – Халкбанк како бренд, за нашите партнери со кои ги креираме креативните кампањи, но воопшто и за маркетинг индустријата во Македонија. Во начинот на креирање и реализирање на нашите бренд и маркетинг комуникации, секогаш целиме кон тоа да сме што е можно покреативни, инспиративни, впечатливи и насочени кон тоа да решиме некоја конкретна потреба на таргет групата, но често и на општествените проблеми. Кампањите кои нѐ доведоа до ова рангирање на BalCannes, се добар пример за тоа. Среќни сме што токму по овој пристап на комуникација сме препознаени како бренд и од нашата јавност“ – истакна Маја Наумовска Савеска, директор за корпоративни и маркетинг комуникации во Халкбанк АД Скопје.
Извештајот на BalCannes има за цел креативно обединување на регионот и поттикнување здрава конкуренција, размена на знаења и искуства, како и отворање на регионални хоризонти, наметнувајќи се како вистински мозаик на креативноста и огледало на актуелните текови на регионалната комуникациска сцена. Истиот може во целост да се преземе на следниот ЛИНК.
The post Халкбанк АД Скопје меѓу најуспешните огласувачи во регионот! appeared first on Marketing365.
